കനത്ത മഴയിലും കാറ്റിലും അരിക്കുളം പഞ്ചായത്ത് ഒന്നാം വാർഡിലെ ചിറ്റാരിക്കുഴി സതീശൻ്റെ വീടിനു മുകളിൽ തെങ്ങ് കടപുഴകി വീണു

അരിക്കുളം :കനത്ത മഴയിലും കാറ്റിലും അരിക്കുളം പഞ്ചായത്ത് ഒന്നാം വാർഡിലെ ചിറ്റാരിക്കുഴി സതീശൻ്റെ വീടിനു മുകളിൽ തെങ്ങ് കടപുഴകി വീണു.വീടിൻ്റെ മേൽക്കൂരയിൽ പാരപ്പെറ്റ് തകർന്നു.വീടിനോട് അനുബന്ധിച്ച് കമ്പിയും ഷീറ്റും കൊണ്ട് നിർമ്മിച്ചപോർച്ച് പൂർണ്ണമായും തകർന്നു.
തെങ്ങ് വീഴുമ്പോൾ സതീശൻ്റെ ഭാര്യയും രണ്ടു മക്കളും വീടിനകത്തായിരുന്നു. വലിയ ശബ്ദം കേട്ട് അവർ ഓടി പുറത്തിറങ്ങുകയായിരുന്നു. ഓടിക്കൂടിയ നാട്ടുകാർ തെങ്ങ് മുറിച്ച് മാറ്റി അപകടം ഒഴിവാക്കുകയായിരുന്നു.
50000 രൂപയുടെ നഷ്ടം കണക്കാക്കുന്നു. വില്ലേജ് ഒഫീസ്, പഞ്ചായത്ത് ഓഫീസ എന്നിവടങ്ങളിൽ വിവരമറിയിച്ചു.