കൊയിലാണ്ടി: മനുഷ്യ സമൂഹത്തെ കാർന്നുതിന്നുന്ന ലഹരിക്കെതിരെ കൊയിലാണ്ടി ഉപജില്ല കലോത്സവത്തിന്റെ സ്കൂൾ കോംപൗണ്ടിനുള്ളിലെ വേദിക്കരികിൽ പോസ്റ്റർ പ്രദർശനം. ലഹരിയുടെ ദൂഷ്യഫലം വ്യക്തമാക്കുന്ന നൂറിലധികം ചിത്രങ്ങൾ പ്രദർശിപ്പിച്ചിട്ടുണ്ട്. ലഹരിക്കടിമയായവരെ ബാധിക്കുന്ന വിവിധ രോഗങ്ങളെക്കുറിച്ച് പോസ്റ്ററുകളിൽ ചിത്രസഹിതം വിവരണമുണ്ട്. സ്കൂളിലെ വി എച്ച് എസ് ഇ വിഭാഗം കരിയർ ഗൈഡൻസ് ആന്റ് കൗൺസലിംഗ് സെന്ററിന്റെ നേതൃത്വത്തിലാണ് പ്രദർശനം.
പോസ്റ്റർ പ്രദർശനം കൊയിലാണ്ടി സബ് ഇൻസ്പെക്ടർ പി ഗിരീഷ് കുമാർ ഉദ്ഘാടനം ചെയ്തു. കെ വി സഗീർ, ബിജേഷ് ഉപ്പാലക്കൽ, ടി പി റഹീം, കെ ഷറഫുദ്ദീൻ, പി ഗിരീഷ് കുമാർ, അസ് വിൻ എം കെ, ആദർശ്, ആര്യ, തേജ ലക്ഷ്മി എന്നിവർ നേതൃത്വം നൽകി.
റിപ്പോർട്ടർ : സാജിദ് അഹമ്മദ്
Comments
