കാറ്റിൽ പറന്നുവീണ തകര ഷീറ്റ് കഴുത്തിൽ പതിച്ച് വയോധികന് ദാരുണാന്ത്യം

മലപ്പുറം: കാറ്റിൽ പറന്നുവീണ തകര ഷീറ്റ് കഴുത്തിൽ പതിച്ച് വയോധികന് ദാരുണാന്ത്യം. മേലാറ്റൂർ സ്വദേശി കുഞ്ഞാലി (75) ആണ് മരിച്ചത്.

ഇന്ന് വൈകീട്ടോടെയാണ് സംഭവം. മേലാറ്റൂർ ചെമ്മണിയോട് പാലത്തിലെ റോഡിലൂടെ കുഞ്ഞാലി നടന്നു പോവുമ്പോഴാണ് അപകടം ഉണ്ടായത്.  കാറ്റിൽ പറന്നുവീണ തകര ഷീറ്റ് കുഞ്ഞാലിയുടെ കഴുത്തിലാണ് പതിച്ചത്.

സമീപത്തെ കെട്ടിടത്തിൽ നിന്ന് ശക്തമായ കാറ്റിൽ ഇളകിയ തകര ഷീറ്റാണ് പറന്നുവീണതെന്നാണ് നി​ഗമനം.മുറിവേറ്റ് വീണ കുഞ്ഞാലിയെ ഉടൻ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.