കീം പരീക്ഷ ഫലം പ്രഖ്യാപിച്ചു

തിരുവനന്തപുരം: കേരള എഞ്ചിനീയറിംഗ് ആർക്കിടെക്ചർ ഫാർമസി ആൻഡ് മെഡിക്കൽ എക്സാം (KEAM) ഫലം പ്രഖ്യാപിച്ചു. പരീക്ഷയെഴുതിയ വിദ്യാർത്ഥികൾക്ക് ഔദ്യോഗിക വെബ്സൈറ്റായ cee.kerala.gov.in-ൽ നിന്ന് ഫലം പരിശോധിച്ച് ഡൗൺലോഡ് ചെയ്യാം.

പരീക്ഷഫലം ഡൗൺലോഡ് ചെയ്യുന്നതിന് അവരുടെ ആപ്ലിക്കേഷൻ നമ്പറും പാസ്‌വേഡും ആവശ്യമാ‌ണ്. ഉദ്യോഗാർത്ഥിയുടെ സ്കോർകാർഡിൽ പേര്, റോൾ നമ്പർ, പരീക്ഷയുടെ പേര്, ഓരോ വിഷയത്തിലും നേടിയ മാർക്ക്, ആവശ്യമായ മിനിമം മാർക്ക്, നേടിയ മൊത്തം മാർക്ക്, വിദ്യാർത്ഥികളുടെ യോഗ്യത തുടങ്ങിയ വിവരങ്ങൾ അടങ്ങിയിരിക്കും.