കീവ്: റഷ്യ പോരാട്ടം ശക്തമാക്കിയെങ്കിലും കീവിലും ഖാര്‍ക്കീവിലും പോരാട്ടം തുടരുന്നു. ഈ രണ്ട് വന്‍നഗരങ്ങളിലും യുക്രൈന്‍ ശക്തമായ ചെറുത്തുനില്‍പ്പ് നടത്തുകയാണ്. പുലരുവോളം ഇവിടെ ഉഗ്രസ്‌ഫോടനങ്ങള്‍ നടന്നതായായാണ് റിപ്പോര്‍ട്ട്. തുടരെയുള്ള സ്‌ഫോടനശബ്ദം കേട്ടുകൊണ്ടിരുന്നതായി നാട്ടുകാര്‍ സാക്ഷ്യപ്പെടുത്തിയിട്ടുണ്ട്.
ശനിയാഴ്ച രാത്രി ഖാര്‍ക്കീവിലെ ജനവാസകേന്ദ്രങ്ങളില്‍ ആക്രമണം നടത്തിയ റഷ്യന്‍ സേന പ്രകൃതിവാതക പൈപ്പ് ലൈന്‍ സ്‌ഫോടനത്തില്‍ തകര്‍ത്തു. കീവിനടുത്തുള്ള വാസില്‍കീവിലെ എണ്ണ ഡിപ്പോയ്ക്ക് തീവെച്ചു. വിഷവാതകങ്ങള്‍ അന്തരീക്ഷത്തിലേക്ക് ഉയർന്നു.
വടക്കന്‍ യുക്രൈനിലെ ചെര്‍ണിവിലെ ഒരു പാര്‍പ്പിട സമുച്ചയത്തിന് നേരെ റഷ്യന്‍ മിസൈലാക്രമണം നടത്തിയെന്ന് സര്‍ക്കാര്‍ വാര്‍ത്താ ഏജന്‍സി റിപ്പോര്‍ട്ട് ചെയ്തു. സമാനമായി ഷൈടോമിറിലും ഇത്തരത്തില്‍ ആക്രമണം ഉണ്ടാതായി യുക്രൈന്‍ സൈന്യവും പറഞ്ഞു.
Comments
