കുറ്റ്യാടി: ഇന്ന് പുലര്‍ച്ചെ കുറ്റ്യാടി ചുരത്തില്‍ കത്തിക്കരിഞ്ഞ നിലയില്‍ കണ്ടെത്തിയ ആളെ തിരിച്ചറിഞ്ഞു. മാഹി പള്ളൂര്‍ സ്വദേശി അജയ് ഉല്ലാസ് (28) ആണെന്ന് ബന്ധുക്കൾ പോലീസ് സാന്നിദ്ധ്യത്തിൽ തിരിച്ചറിഞ്ഞു.
പക്രംന്തളം ചുരത്തില്‍ ചൂരണി റോഡ് ആരംഭത്തില്‍ കത്തിക്കരിഞ്ഞ നിലയില്‍ മൃതദേഹം കണ്ടെത്തിയത്. തുടര്‍ന്ന് തൊട്ടില്‍പാലം പൊലീസ് നടത്തിയ അന്വേഷണത്തിലാണ് മരിച്ചയാളെ തിരിച്ചറിഞ്ഞത്. മൃതദേഹത്തിന് സമീപത്തായി സ്കൂട്ടറുണ്ട്. ഈ വാഹനവും ധരിച്ച മോതിരവുമാണ് ആളെ തിരിച്ചറിയാൻ സഹായിച്ചത്. പെട്രോൾ ഒഴിച്ച് കത്തിച്ചതാണെന്നാണ് കരുതുന്നത്. തൊട്ടില്‍പാലം സി.ഐ ജേക്കബ്, എസ്.ഐ രാധാകൃഷ്ണന്‍ വടകരയില്‍ നിന്ന് ഫോറൻസിക് വിഭാഗവും എത്തിയിരുന്നു.
പള്ളൂരിലെ ഉല്ലാസ് ബാര്‍ ഉടമയായ ഗണേഷന്റെയും ശോഭയുടെയും മകനാണ് മരിച്ച അജയ് ഉല്ലാസ്. പ്രസൂണ്‍, അനുഷ എന്നിവര്‍ സഹോദരങ്ങളാണ്. അവിവാഹിതനാണ്.
