കൊയിലാണ്ടി: കോതമംഗലം അയ്യപ്പക്ഷേത്ര മഹോത്സവം ഡിസംബർ 15, 16, 17 തിയ്യതികളിൽ നടക്കും.15 ന് പുലർച്ചെ ക്ഷേത്രം തന്ത്രി പറവൂർ രാകേഷ് തന്ത്രിയുടെ കാർമ്മികത്വത്തിൽ വിശേഷാൽ അഷ്ട്ര ദ്രവ്യ മഹാഗണപതിഹോമം, തുടർന്ന് ഭഗവാന് വെള്ളി അങ്കി സമർപ്പണം, 9.30 ന് തൃശൂർ നാരായണ ചാക്യാരുടെ ചാക്യാർകൂത്ത്, വൈകിട്ട് ഏഴിന് മധുസൂദനൻ ഭരതാഞ്ജലിയുടെ നൃത്താർച്ചന. 16 ന് കോഴിക്കോട് സ്റ്റാർ ബീറ്റ്സിന്റെ ഭക്തിഗാനസുധ. സമൂഹസദ്യ, രാത്രി ഏഴിന് ഗാനമേള.17 ന് കാലത്ത് 9.30 മണിക്ക് കലാമണ്ഡലം ജിനേഷ് ഷൊർണ്ണുർ അവതരിപ്പിക്കുന്ന ഓട്ടൻതുള്ളൽ, വൈകിട്ട് നാല് മണിക്ക് പാലക്കൊമ്പ് എഴുന്നള്ളിപ്പ്, 6.30ക്ക് ദീപാരാധന, തുടർന്ന് കലാമണ്ഡലം ശിവദാസൻമാരാരും റിജിൽ കാഞ്ഞിലശ്ശേരിയും അവതരിപ്പിക്കുന്ന ഇരട്ട തായമ്പക രാത്രി എട്ടിന് വിളക്ക് പൂജ 11 മണിക്ക് അയ്യപ്പൻ പാട്ട്, എഴുന്നളിപ്പ്, കനലാട്ടം , വെട്ടു തടവും എന്നിവയോടെ ഉത്സവം സമാപിക്കും.
