കൊയിലാണ്ടി നടേരി പറേച്ചാല്‍ ദേവീ ക്ഷേത്ര മഹോല്‍സവം ജനുവരി 28 മുതല്‍ ഫെബ്രുവരി ആറ് വരെ ആഘോഷിക്കും
കൊയിലാണ്ടി: നടേരി പറേച്ചാല്‍ ദേവീ ക്ഷേത്ര മഹോല്‍സവം ജനുവരി 28 മുതല്‍ ഫെബ്രുവരി ആറ് വരെ ആഘോഷിക്കും. ക്ഷേത്രോല്‍സവത്തോടനുബന്ധിച്ച് ഇത്തവണ കാര്‍ണിവല്‍ ഒരുക്കിയിട്ടുണ്ട്. ജനുവരി 28ന് രാവിലെ മെഡിക്കല്‍ ക്യാമ്പ്,കലവറ നിറയ്ക്കല്‍,രാത്രി 7.30ന് ഗാനമേള. 29ന് രാവിലെ 10 മണിമുതല്‍ അങ്കണവാടി കലോല്‍സവം,വൈകീട്ട് സാംസ്‌ക്കാരിക സമ്മേളനം നാടക നടന്‍ മുഹമ്മദ് പേരാമ്പ്ര ഉദ്ഘാടനം ചെയ്യും.
30ന് വൈകീട്ട് 6.30-ന് ശിവാനന്ദപുരി സ്വാമീനിയുടെ പ്രഭാഷണം,നാടന്‍പാട്ടും ദൃശ്യാവിഷ്‌ക്കാരവും. ഫെബ്രുവരി ഒന്നിന് വൈകീട്ട് ഏഴിന് സര്‍ഗ്ഗസന്ധ്യ,രണ്ടിന് രാത്രി 7.30ന് മെഗാഷോ. മൂന്നിന് പുന:പ്രതിഷ്ഠ,രാത്രി ഏഴിന് മട്ടന്നൂര്‍ ശ്രീകാന്ത്,മട്ടന്നൂര്‍ ശ്രീരാജ് എന്നിവരുടെ ഇരട്ടതായമ്പക,നാലിന് രാവിലെ കൊടിയേറ്റം,വൈകീട്ട് നട്ടത്തിറ. അഞ്ചിന് ഉച്ചയ്ക്ക് സമൂഹസദ്യ,ഇളനീര്‍ക്കുല വരവ്,താലപ്പൊലി,വെളിയണ്ണൂര്‍ അനില്‍ കുമാറിന്റെ നേതൃത്വത്തില്‍ പാണ്ടിമേളം. ആറിന് ഗുരുതി തര്‍പ്പണം.
