പ്രകൃതി സൗന്ദര്യം കൊണ്ട് അനുഗ്രഹീതമാണ് കേരളം. അത് തന്നെയാണ് ഇവിടേക്ക് വിനോദ സഞ്ചാരികളെ ആകർഷിക്കുന്നതിന് പ്രധാന കാരണം. കോഴിക്കോടുള്ള ഒരു നദിയാണ് ഇന്ത്യയിലുടനീളം ശ്രദ്ധ നേടുന്നത്.
പിങ്ക് നിറത്തിൽ നിറഞ്ഞു നിൽക്കുകയാണ് നദി. പിങ്ക് നിറത്തിലുള്ള പൂക്കളാൽ മൂടപ്പെട്ടിരിക്കുകയാണ് ഈ നദി. കാഴ്ച്ചക്കാരുടെ കണ്ണും മനസും നിറയുന്ന ഈ കാഴ്ച്ച കാണാൻ നിരവധി പേരാണ് എത്തുന്നത്. ബിസിനസ് ടൈക്കൂൺ ആനന്ദ് മഹീന്ദ്രയാണ് ഈ കാഴ്ച്ച സോഷ്യൽ മീഡിയയിൽ പങ്കുവെച്ചത്.
“വിനോദസഞ്ചാരികൾ ഈ ഗ്രാമത്തിലേക്ക് ഒഴുകിയെത്തുന്നു എന്ന് കേൾക്കുന്നതിൽ എനിക്ക് അത്ഭുതമില്ല. കാരണം ഈ ഫോട്ടോ നോക്കുമ്പോൾ അത് എന്റെ ആത്മാവിനെയും ശുഭാപ്തി വിശ്വാസത്തെയും ഉയർത്തുന്നു. ഞാൻ ഇത് എന്റെ പുതിയ സ്‌ക്രീൻസേവർ ആക്കി. അതിനെ “പ്രത്യാശയുടെ നദി” എന്ന് നാമകരണം ചെയ്യുകയും ചെയ്തു” എന്നാണ് അദ്ദേഹം തലക്കെട്ട് കൊടുത്തത്.
Comments
