കോഴിക്കോട് റെയിൽവേസ്റ്റേഷൻ അന്താരാഷ്ട്ര നിലവാരത്തിലേക്കുയർത്തുന്നതിന്റെ ഭാഗമായി 473 കോടി രൂപയുടെ പദ്ധതികളാണ് നടപ്പാക്കുന്നത്. നവീകരണ പദ്ധതിയുടെ ശിലാസ്ഥാപനം പ്രധാനമന്ത്രി നരേന്ദ്രമോദി നാളെ തിരുവനന്തപുരത്ത് നിർവഹിക്കും.
നിലവിലെ അഞ്ച് ട്രാക്കുകൾക്ക് പുറമെ നാല് ട്രാക്കുകൾ കൂടി നിർമിക്കും.12 മീറ്റർ വീതിയിൽ ഇരിപ്പിടങ്ങളോട് കൂടിയ 2 ഫൂട്ട് ഓവർ ബ്രിഡ്ജുകൾ, റെയിൽവേ സ്റ്റേഷന്റെ പടിഞ്ഞാറ് ഭാഗത്ത് മാത്രം 4.2 ഏക്കറിൽ വാണിജ്യ കേന്ദ്രം, പാഴ്‌സൽ കയറ്റാനും ഇറക്കാനുമുള്ള പ്രത്യേക കേന്ദ്രം, ഗ്രൗണ്ട് പാർക്കിങ് തുടങ്ങിയവയാണ് പുതിയ പദ്ധതിയിലുള്ളത്. എം പി എന്നനിലയിൽ ദീർഘകാലത്തെ ശ്രമഫലമായാണ് ഈ പദ്ധതിയെന്നും എം.കെ രാഘവൻ എംപി പറഞ്ഞു.
Comments
