ചെങ്ങോട്ടുകാവിൽ പതിനൊന്നാം വാർഡിൽ വനിതകൾക്കുള്ള ട്രാക്റ്റർ പരിശീലനം ഉദ്ഘാടനം ചെയ്തു

മഹിള കിസാൻ സ്വശാക്തീകരൺ പരിയോജന എന്ന പദ്ധതിയുടെ ഭാഗമായി കോഴിക്കോട് നോർത്ത് ഫെഡറേഷന്റെ കീഴിൽ പന്തലായനി ബ്ലോക്കിലെ ചെങ്ങോട്ടുകാവ് പഞ്ചായത്തിലെ പതിനൊന്നാം വാർഡായ ഞാണം പൊയിലെ വനിതാ ഗ്രൂപ്പിന് ട്രാക്റ്റർ പരിശീലനം പന്തലായനി ബ്ലോക്ക് പ്രസിഡണ്ട് പി ബാബുരാജ് ഉദ്ഘാടനം ചെയ്തു.

പരിശീലക പ്രജിഷ സ്വാഗതം പറഞ്ഞു. വാർഡ് മെമ്പർ തങ്ക അദ്ധ്യക്ഷം വഹിച്ചു. പന്തലായനി ബ്ലോക്ക് പഞ്ചായത്ത് മെമ്പർ കെ.ടി എം കോയ ആശംസ അർപ്പിച്ച് സംസാരിച്ചു. സിന്ധു നന്ദി പറഞ്ഞു.