ചെങ്ങോട്ടുകാവ് ഗ്രാമ പഞ്ചായത്ത് സ്കൂൾ കുട്ടികൾക്കായി തയ്യാറാക്കിയ ‘ബ്രയിൻ ഫുഡ് ‘ പരിപാടിക്കു ആന്തട്ട ഗവ.യു.പി സ്കൂളിൽ തുടക്കം

ചെങ്ങോട്ടുകാവ് ഗ്രാമ പഞ്ചായത്ത് സ്കൂൾ കുട്ടികൾക്കായി തയ്യാറാക്കിയ ‘ബ്രയിൻ ഫുഡ് ‘ പരിപാടിക്കു ആന്തട്ട ഗവ.യു.പി സ്കൂളിൽ തുടക്കം. കാനത്തിൽ ജമീല എം.എൽ.എ പരിപാടി ഉദ്ഘാടനം ചെയ്തു. എന്നും കാലത്ത് പഠനം ആരംഭിക്കുന്നതിനു മുമ്പ് ബ്രയിൻ ഫുഡ് കുട്ടികൾക്ക് നൽകും. ഗ്രാമ പഞ്ചായത്ത് പ്രസിഡണ്ട് ഷീബ മലയിൽ അധ്യക്ഷത വഹിച്ചു. സുവാരി സിമൻറ് കമ്പനി സ്കൂളിനു നൽകിയ ജഴ്സികൾ വൈസ് പ്രസിഡണ്ട് പി. വേണു കൈമാറി. സ്ഥിരം സമിതി അധ്യക്ഷൻമാരായ ബിന്ദു മുതിരക്കണ്ടത്തിൽ, ബേബി സുന്ദർരാജ്, പഞ്ചായത്ത് അംഗങ്ങളായ സുധ കാവുങ്കൽപൊയിൽ, കെ.എം. മജു , ഹെഡ്മാസ്റ്റർ എം.ജി. ബൽരാജ് , പി.ടി.എ പ്രസിഡണ്ട് എ.ഹരിദാസ് എന്നിവർ പ്രസംഗിച്ചു.