ചേമഞ്ചേരി ഗ്രാമപഞ്ചായത്തിൻ്റെ കർഷകദിനാഘോഷം ജില്ല പഞ്ചായത്ത് പ്രസിഡന്റ് ഷീജ ശശി ഉദ്ഘാടനം ചെയ്തു. പഞ്ചായത്ത് പ്രസിഡന്റ് സതി കിഴക്കയിൽ അധ്യക്ഷയായിരുന്നു. പന്തലായനി ബ്ലോക് പഞ്ചായത്ത് പ്രസിഡന്റ് പി ബാബുരാജ് ,പഞ്ചായത്ത് വൈസ് പ്രസിഡന്റ് അജ്നഫ് കെ എന്നിവർ മികച്ച കർഷകരായി തിരഞ്ഞെടുത്തവരെ ആദരിച്ചു.
ഹരിത കേരളം ജില്ലാ കോർഡിനേറ്റർ പി പ്രകാശ് വിവിധ മത്സരങ്ങളിലെ വിജയികൾക്ക് ഉപഹാരം നൽകി. ജനപ്രതിനിധികളായ ഷീല എം,അബ്‌ദുൽ ഹാരിസ്,അതുല്യ ബൈജു,സി ഡി എസ് ചെയർ പേഴ്സൻ ആർ പി വത്സല ,സത്യനാഥൻ മാടഞ്ചേരി,പി സി സതീഷ് ചന്ദ്രൻ,അജീഷ് പി,മേലോത്ത് ഭാസ്കരൻ നായർ,ഉണ്ണി തിയ്യക്കണ്ടി, ആലിക്കോയ ടി കെ,അവിനേരി ശങ്കരൻ നായർ,സജീവ് പൂക്കാട് എന്നിവർ ആശംസകൾ അർപ്പിച്ചു സംസാരിച്ചു.
ചടങ്ങിന് അഗ്രികൾച്ചറൽ ഓഫീസർ വിദ്യ ബാബു സ്വാഗതവും സംഘാടക സമിതി അംഗം പ്രദീപൻ മാസ്റ്റർ നന്ദിയും പറഞ്ഞു. മുതിർന്ന കർഷകൻ അബൂബക്കർ ഹാജി, അഫ്സൽ വടക്കേ ഏരൂർ (മികച്ച യുവ കർഷകൻ), അശോകൻ കോട്ട്(നെൽകർഷകൻ) ഗോപാലൻ നായർ കുന്നുമ്മൽ (കേര കർഷകൻ), മനാഫ് വി കെ (സമ്മിശ്ര കർഷകൻ),ശ്യാമള കളരിപ്പറമ്പിൽ (ക്ഷീര കർഷക), നാലകത്ത് തങ്കമണി (വനിതാ കർഷക), മാധവൻ നായർ മനത്തം കണ്ടി (പച്ചക്കറി കർഷകൻ), എ സി ആലിക്കോയ ആലുങ്കടവത്ത് (മത്സ്യ കർഷകൻ),ഗോപാലൻ മനയത്ത് താഴെ(എസ് സി കർഷകൻ), ദേവപ്രയാഗ് എം തിരുവാങ്ങൂർ എച്ച് എസ് എസ്(കുട്ടി കർഷകൻ) എന്നിവരാണ് മികച്ച കർഷകരാണ് തിരഞ്ഞെടുക്കപ്പെട്ടത്.
