ട്രെയിനിൽ നിന്ന് സഹയാത്രികൻ തള്ളിയിട്ട യാത്രക്കാരൻ മരിച്ചു. ഉത്തര്‍പ്രദേശ് സ്വദേശി വിവേകാണ് മരിച്ചത്. വെള്ളിയാഴ്ച വൈകിട്ട് കണ്ണൂർ-എറണാകുളം ഇന്‍റർസിറ്റി എക്സ്പ്രസിൽനിന്നാണ് വിവേകിനെ സഹയാത്രികൻ തള്ളിയിട്ടത്.
ട്രെയിനിൽ വെച്ച് വിവേകും മുഫാദുറും തമ്മിൽ തർക്കമുണ്ടായി. ട്രെയിൻ മുക്കാളിയിൽ എത്തിയപ്പോൾ ഇരുവരും തമ്മിൽ ഉന്തുംതള്ളുമുണ്ടായി. തുടർന്നാണ് ട്രെയിനിൽ നിന്ന് പുറത്തേക്ക് മുഫാദുർ സഹയാത്രികനെ തള്ളിയിട്ടത്.
പ്രതിയെ യാത്രക്കാർ പിടികൂടി വടകര റെയിൽവേ സ്റ്റേഷനിൽ വെച്ച് റെയിൽവേ സംരക്ഷണ സേനക്ക് കൈമാറുകയായിരുന്നു. പൊലീസും ആർപിഎഫും നടത്തിയ തിരച്ചിലിലാണ് ഗുരുതര പരിക്കോടെ വിവേകിനെ കണ്ടെത്തിയത്. തുടർന്ന് ഇയാളെ കോഴിക്കോട് മെഡിക്കൽ കോളജ് ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല.
Comments
