പെട്രോൾ ഡീസൽ വില വർദ്ധനവിൽ പ്രതിഷേധിച്ച് ഡി വൈ എഫ് ഐ ഹെഡ് പോസ്റ്റോഫീസ് മാർച്ച് നടത്തി

ഡി വൈ എഫ് ഐ കൊയിലാണ്ടി ബ്ലോക്ക് കമ്മറ്റിയുടെ നേതൃത്വത്തിൽ പെട്രോൾ ഡീസൽ വില വർദ്ധനവിൽ പ്രതിഷേധിച്ച്  ഹെഡ് പോസ്റ്റോഫീസിലേക്ക് മാർച്ച് നടത്തി. മാർച്ച് ഡി വൈ എഫ് ഐ ജില്ലാ സെക്രട്ടറിയേറ്റ് അംഗം ബി പി ബബീഷ് ഉദ്ഘാടനം ചെയ്തു. എസ് എഫ് ഐ ജില്ലാ സെക്രട്ടറിയേറ്റ് അംഗം ഫർഹാൻ അഭിവാദ്യം ചെയ്തു സംസാരിച്ചു. ബ്ലോക്ക് സെക്രട്ടറി എൻ ബിജീഷ് സ്വാഗതം പറഞ്ഞു. പ്രസിഡന്റ് സതീഷ് ബാബു അദ്ധ്യക്ഷനായിരുന്നു. ദിനൂപ്, റിബിൻകൃഷ്ണ, അജീഷ്, അഭിനീഷ് എന്നിവർ മാർച്ചിന് നേതൃത്വം നല്കി. ബ്ലോക്ക് ട്രഷറർ അനുഷ നന്ദി പറഞ്ഞു.