പേരാമ്പ്ര. എടവരാട് പയ്യോളിക്കുന്നിൽ കേളൻ കണ്ടി മുഹമ്മദ് ഷാഫിയുടെ വീട്ടിലെ ഫ്ലയിംഗ് ഡക്ക് (മണിത്താറാവ്) ഉൾപ്പെടെ 25 ഓളം കോഴികളെ ഇന്നലെ അർദ്ധരാത്രി തെരുവുനായകൾ കൂട്ടത്തോടെ കൊന്നുകളഞ്ഞു.ബാക്കി വന്ന ധാരാളം കോഴികൾ ജീവഛവങ്ങളാണ്. സുമാർ 5 സെൻ്റ് സ്ഥലത്ത് ശക്തമായ വല വിരിച്ചായിരുന്നു കോഴികളെ പാർപ്പിച്ചിരുന്നത്, തെരുവ് നായകൾ രാത്രി കാലങ്ങളിൽ ബഹളം വെക്കൽ പതിവായതിനാൽ ആരും ശ്രദ്ധിച്ചിരുന്നില്ല, നേരം പുലർന്നപ്പോഴാണ് ഈ കാഴ്ച കാണുന്നത്, സുമാർ 15000 രൂപയുടെ നഷ്ടം പ്രതീക്ഷിക്കുന്നു.
തെരുവു നായകളുടെ ശല്യം എടവരാട് പയ്യോളിക്കുന്ന് പ്രദേശത്ത് കൂടിവരുന്നതാണ് ഇതിനു കാരണമായി വരുന്നതെന്നും സർക്കാർ ജനങ്ങളുടെയും വളർത്തു മൃഗങ്ങളുടെയും പക്ഷികളുടെയും ജീവനു ഭീഷണിയായ ഇവയെ നിയന്ത്രിക്കുന്നതിനാവശ്യമായ നടപടികൾ കൈക്കൊള്ളണമെന്നും പ്രദേശവാസികൾ ആവശ്യപ്പെട്ടു,
Comments
