നിപ ബാധിച്ച കുട്ടിയുടെ വീട്ടിലെ ആടിൻ്റെ സാമ്പിൾ എടുത്തു. രോഗബാധയുണ്ടായിരുന്നതായി റിപ്പോർട്ട്

നിപ ബാധിച്ച് മരിച്ച കുട്ടിയുടെ വീട്ടിലെ വളർത്തു മൃഗങ്ങൾക്ക് നേരത്തെ രോഗ ബാധയുണ്ടായിരുന്നു.   ആടിന് ദഹനക്കേട് പോലുള്ള അസുഖം വന്നിരുന്നു. ഇതിനെ കുട്ടി പരിചരിച്ചിരുന്നു. ഇത് രോഗാവസ്ഥയ്ക്ക് കാരണമായോ എന്ന സംശയത്തെ  തുടര്‍ന്ന് ആടിന്റെ സ്രവം പരിശോധനയ്‌ക്കെടുത്തു.

വീട്ടിലെ എല്ലാ മൃഗങ്ങളുടേയും സാമ്പിളുകള്‍ മൃഗസംരക്ഷണ വകുപ്പ് പരിശോധിക്കും. ഇതിന്റെ ഭാഗമായാണ് ആടിന്റെ സ്രവം പരിശോധനയ്‌ക്കെടുത്തത്. പ്രദേശത്ത് കാട്ടുപന്നി ശല്യവും രൂക്ഷമായതിനാല്‍ ഇതിനേയും പിടികൂടി പരിശോധിക്കാന്‍ ആലോചിക്കുന്നുണ്ട്. ഇതിനായി വനം വകുപ്പിന്റെ അനുമതി തേടി.