പത്മശ്രീ ഗുരു ചേമഞ്ചേരിയുടെ ചരമ വാർഷിക പരിപാടികൾ ”ഓർമ്മ 2022” ഭാഗമായി നിർമ്മിച്ച ഗുരുവിൻ്റെ പൂർണ്ണകായ പ്രതിമ കഥകളി വിദ്യാലയം പ്രവർത്തകർ ഏറ്റു വാങ്ങി. ശില്പി ശിവജിയുടെ വീട്ടിൽ നടന്ന ചടങ്ങിൽ കഥകളി വിദ്യാലയം പ്രസിഡണ്ട് ഡോ.എന്‍.വി സദാനന്ദൻ പ്രതിമ ഏറ്റു വാങ്ങി.
കലാമണ്ഡലം പ്രേംകുമാർ ,കലാനിലയം ഹരി ,ആർടിസ്റ്റ് സുരേഷ് ഉണ്ണി ,പ്രശോഭ് ജി, കെ കെ ശങ്കരൻ മാസ്റ്റർ ,ടി നാരായണൻ ,പ്രമോദ് പൊന്മാലേരി ,ഇ വി ദാമു മാസ്റ്റർ എന്നിവർ സന്നിഹിതരായിരുന്നു. പ്രതിമയുടെ ഔപചാരികമായ അനാച്ഛാദനം മാർച്ച് 20 ഞായറാഴ്ച രാവിലെ 10 മണിക്ക് നടക്കും. കഥകളി വിദ്യാലയത്തിൽ നടക്കുന്ന പരിപാടിയിൽ കെ മുരളീധരൻ എം പി, എം എല്‍ എ കാനത്തിൽ ജമീല തുടങ്ങിയവർ പങ്കെടുക്കും.
Comments
