മേപ്പയ്യൂർ:വേനലവധിക്കാലം പാട്ടും കവിതയും അഭിനയവുമായി കളിച്ചു രസിക്കുകയാണ് ഒരു കൂട്ടം വിദ്യാർത്ഥികൾ .സ്പന്ദനം ആർട്സ് പീടികക്കണ്ടിമുക്ക് സംഘടിപ്പിച്ച ‘പച്ചില’ തിയ്യേറ്റർ ക്യാമ്പിലാണ് കുട്ടികൾ ആടിത്തിമർക്കുന്നത്. പ്രശസ്ത സിനിമ, നാടക പ്രവർത്തകരായ കെ.വി.വിജേഷും കബനിയുമാണ് ക്യാമ്പ് നയിക്കുന്നത്.
മേലടി ബ്ലോക്ക് പഞ്ചായത്ത് പ്രസിഡണ്ട് സുരേഷ് ചങ്ങാടത്ത് ക്യാമ്പ് ഉദ്ഘാടനം ചെയ്തു. പരിപാടിയിൽ പി കെ പി കെ ഭവിതേഷ് അധ്യക്ഷത വഹിച്ചു.അനൻ സൗരെ സ്വാഗതം പറഞ്ഞു. കബനി ,പി.കെ.പ്രിയേഷ് കുമാർ റിഞ്ചുരാജ് എടവന എന്നിവർ സംസാരിച്ചു
Comments
