പൂട്ടിയ കയർ ഗോഡൗണിൽ വവ്വാലുകൾ കൂട്ടത്തോടെ ചത്ത നിലയിൽ

ഗോഡൗണിൽ കൂട്ടത്തോടെ ചത്ത വവ്വാലുകളെ കുഴിച്ചു മൂടിയിട്ടും ദുർഗന്ധം മാറുന്നില്ലെന്നു പ്രദേശവാസികൾ. അവയെ കുഴിച്ചു മൂടിയ പ്രദേശത്തും സമീപത്തെ വീടുകളിലും അണുനാശിനി പൊടികളും പുകയ്ക്കാനുള്ള പൊടികളും ആരോഗ്യ വകുപ്പ് നൽകിയിട്ടുണ്ട്. അടഞ്ഞുകിടക്കുന്ന ഗോഡൗണിൽ സാമൂഹികവിരുദ്ധ ശല്യമുണ്ടായിരുന്നെന്നു നാട്ടുകാർ പറഞ്ഞു.

വവ്വാലുകൾ ഇവിടെയുണ്ടായിരുന്നെന്നു പ്രദേശവാസികൾ പറയുന്നു. സന്ധ്യയ്ക്കു കൂട്ടത്തോടെ പറന്നു പുറത്തേക്കു പോകും. രാവിലെ തിരിച്ചെത്തും – അതായിരുന്നു പതിവ്. ആദ്യം ദുർഗന്ധം വന്നു തുടങ്ങിയപ്പോൾ കാര്യമാക്കിയില്ല. ഉയരമുള്ള മതിലും വൃക്ഷങ്ങൾ വീണു കിടക്കുന്നതും മൂലം അങ്ങോട്ട് നോക്കാനും സാധിക്കില്ല. ദുർഗന്ധം രൂക്ഷമായപ്പോഴാണ് അധികൃതരെ അറിയിച്ചത്. ദുർഗന്ധം കാരണം ചർദിയും വയറിളക്കവുമുണ്ടായെന്നും നാട്ടുകാർ പറയുന്നു