മേപ്പയ്യൂർ: സേവനം മാത്രം ലക്ഷ്യമിടുന്ന പ്രതിഫലം ആഗ്രഹിക്കാത്ത ഒരു തലമുറയാണ് പഴയ കാല സോഷ്യലിസ്റ്റുകളെന്നും അവരുടെ പ്രതീകമാണ് എം എം കുഞ്ഞികേളപ്പനെന്നും ജനതാദൾ എസ് ദേശീയ സമിതി അംഗവും മുൻ മന്ത്രിയുമായ സി കെ നാണു അഭിപ്രായപ്പെട്ടു. കീഴ്പ്പയ്യൂരിലെ പഴയകാല സോഷ്യലിസ്റ്റും മുതുകാട് സമരവളണ്ടിയറുമായിരുന്ന എം എം കുഞ്ഞിക്കേളപ്പൻ്റെ എട്ടാം ചരമവാർഷികത്തിൻ്റെ ഭാഗമായ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം.
സോഷ്യലിസ്റ്റുകളുടെ ഐക്യം കാലഘട്ടത്തിൻ്റെ അനിവാര്യതയാണെന്നും അദ്ധേഹം പറഞ്ഞു. ടി കെ ബാലഗോപാലൻ അദ്ധ്യക്ഷനായിരുന്നു. ഭാസ്ക്കരൻ കൊഴുക്കല്ലൂർ മുഖ്യ പ്രഭാഷണം നടത്തി. കെ പി വേണുഗോപാലൻ, കെ കുഞ്ഞികൃഷണൻ നായർ, പി പി ബാലൻ, സുനിൽ ഓടയിൽ, കല്ലോട് ഗോപാലൻ, ശ്രീജിത്ത് പേരാമ്പ്ര, വി പി മോഹനൻ, വി പി ഷാജി എന്നിവർ സംസാരിച്ചു.
Comments
