കേരള സ്റ്റേറ്റ് എക്സ് സർവ്വീസസ് ലീഗ് കോഴിക്കോട് ജില്ലാ കമ്മറ്റി നേതൃത്വത്തിൽ OROP-2 , MSP, ACP യിലെ അപാകതകൾ പരിഹരിക്കണമെന്ന് ആവശ്യപ്പെട്ട് ഡൽഹി ജന്തർ മന്ദിർ സമരത്തിന് പിന്തുണ പ്രഖ്യാപിച്ചും, കോഴിക്കാട് ഇൻകം ടാക്സ് ഓഫീസ് മുന്നിൽ നടത്തുന്ന ധർണ്ണയുടെ പ്രചരണാർത്ഥം പ്രതിഷേധ സമര വാഹന പ്രചരണ ജാഥ ജില്ലാ വൈസ് പ്രസിഡണ്ട് ജയരാജൻ, ജില്ലാ പ്രസിഡന്റും ജാഥാ ക്യാപറ്റനുമായ ലഫ്.കേണൽ ജയദേവന് (റിട്ട) പതാക നൽകി ഉൽഘാടനം ചെയ്തു സംസാരിച്ചു.
കൊയിലാണ്ടി ഹെഡ്‌ പോസ്റ്റോഫീസിന് മുന്നിൽ വെച്ച് നടന്ന യോഗത്തിൽ കൊയിലാണ്ടി ബ്ളോക്ക് പ്രസിഡണ്ട് ഗംഗാധരൻ ഇമ്മിണിയത്ത് അധ്യക്ഷത വഹിച്ചു. ജില്ലാ സെക്രട്ടറി സദാനന്ദൻ, ജില്ലാ കമ്മറ്റി മുൻ സെക്രട്ടറി ബാലൻ നായർ, ഓർഗ: സെക്രട്ടറി സി.പി. ദേവൻ, ജില്ല ട്രഷറർ മുരളീധരൻ എന്നിവർ സംസാരിച്ചു. കൊയിലാണ്ടി ബ്ലോക്കിലെ യൂനിറ്റ് ഭാരവാഹികളായ ഓണററി ക്യാപ്റ്റൻ പ്രേമാനന്ദൻ തച്ചോത്ത്, ഓണററി ക്യാപ്റ്റൻ രവീന്ദ്രൻ .എ.കെ, സതീശൻ . സി.കെ, മുരളി അരിക്കുളം എന്നിവർ ജാഥാ ക്യാപ്റ്റനെ ഹാരാർപ്പണം ചെയ്തു. ബ്ലോക്ക് സെക്രട്ടറി ശ്രീശൻ കാർത്തിക സ്വാഗതവും ജില്ലാ ജോ : സെക്രട്ടറി മനോജ് കുമാർ പി.സി. നന്ദിയും പറഞ്ഞു.
