KERALAUncategorized
പ്രിയാ വർഗീസിന്റെ നിയമനവുമായി ബന്ധപ്പെട്ട റാങ്ക് ലിസ്റ്റ് പുനഃപരിശോധിക്കാനായി സ്ക്രൂട്ട്നി കമ്മിറ്റിക്ക് വിട്ടു.
കണ്ണൂർ സർവകലാശാലയിൽ പ്രിയാ വർഗീസിന്റെ നിയമനവുമായി ബന്ധപ്പെട്ട റാങ്ക് ലിസ്റ്റ് പുനഃപരിശോധിക്കാൻ സ്ക്രൂട്ട്നി കമ്മിറ്റിക്ക് വിട്ടു. സിൻഡിക്കേറ്റ് യോഗത്തിന്റേതാണ് തീരുമാനം. ബജറ്റ് അവതരിപ്പിക്കുന്നതിനായി ചൊവ്വാഴ്ച ചേർന്ന കണ്ണൂർ സർവകലാശാലയുടെ സിൻഡിക്കേറ്റ് യോഗത്തിലാണ് ഈ തീരുമാനം എടുത്തിരിക്കുന്നത്.
അസോസിയേറ്റ് പ്രൊഫസർ നിയമനത്തിന് പ്രിയാവർഗീസിന് മതിയായ യോഗ്യതയില്ല എന്ന പരാതിയുടെ അടിസ്ഥാനത്തിൽ റാങ്ക് ലിസ്റ്റ് പുനഃപരിശോധിക്കുന്നതിന് കോടതി ഉത്തരവിട്ടിരുന്നു. ഇതിനുവേണ്ടിയാണ് ഇപ്പോൾ സിൻഡിക്കേറ്റ് സ്ക്രൂട്ട്നി കമ്മിറ്റി ഉണ്ടാക്കിയിരിക്കുന്നത്.
പ്രിയയുടെ നിയമനവുമായി ബന്ധപ്പെട്ട തീരുമാനം പുനഃപരിശോധിക്കണമെന്നു ഹൈക്കോടതി ആവശ്യപ്പെട്ടിരുന്നു. അസോഷ്യേറ്റ് പ്രഫസറാകാൻ പ്രിയയ്ക്കു യോഗ്യതയില്ലെന്നും ഹൈക്കോടതി കണ്ടെത്തി. പ്രിയയ്ക്കു യോഗ്യതയില്ലെന്നു ഈ പരിശോധനയിൽ തെളിഞ്ഞാൽ രണ്ടാം റാങ്കുകാരനായ ജോസഫ് സ്കറിയയ്ക്കു ജോലി ലഭിക്കും.
Comments
