കൊല്ലം ചിതറയിൽ മുടിവെട്ടി വരാത്തത്തിന് മുപ്പതോളം വിദ്യാർഥികളെ സ്കൂളിൽ നിന്നും പ്രധാനധ്യാപിക പുറത്താക്കി. കൊല്ലം ചിതറ ഗവൺമെൻറ് ഹൈസ്കൂളിലെ 10ക്ലാസ്സ്‌ വിദ്യാർഥികളെയാണ് സ്കൂളിൽ കയറ്റാതെ പുറത്താക്കിയത്.
സ്കൂളിലേക്ക് പ്രവേശിക്കുന്ന കവാടത്തിൽ നിന്ന് വിദ്യാർഥികളുടെ പേര് സഹിതം പരിശോധിക്കുകയായിരുന്നു. അതിന് ശേഷമാണ് മുടിവെട്ടാത്ത കുട്ടികളെ സ്കൂളിൽ കയറ്റാതെ തിരികെ വിട്ടയച്ചത്.
മുടി വെട്ടിയ ശേഷം മാത്രം സ്കൂളിൽ വന്നാൽ മതിയെന്നായിരുന്നു പ്രധാനഅധ്യാപികയുടെ വാദം. സംഭവത്തിൽ പ്രതിഷേധിച്ച് രക്ഷാകർത്താക്കളും എ ഐ വൈ എഫ് പ്രവർത്തകരും രംഗത്ത് വന്നതിനെ തുടർന്ന് കുട്ടികളെ സ്കൂളിൽ കയറ്റുകയായിരുന്നു.
Comments
