കൊയിലാണ്ടി: ഇന്ന് രാവിലെ 10 മണിയോടുകൂടിയാണ് മൂടാടി പഞ്ചായത്തിലെ നന്തി പുളിമുക്കിൽ സ്ഥിതിചെയ്യുന്ന സോന എന്ന ഇലക്ട്രിക്കൽ പ്ലംബിംഗ് ഷോപ്പിൽ തീ പിടിച്ചത്.
വിവരം കിട്ടിയതിനെ തുടർന്ന് കൊയിലാണ്ടിയിൽ നിന്നും അഗ്നിരക്ഷാസേന എത്തുകയും വെള്ളം ഉപയോഗിച്ച് തീ അണക്കുകയും ചെയ്തു. കടയിൽ ഇലക്ട്രിക്കൽ പ്ലംബിംഗ് സാനിറ്ററി ഐറ്റംസ് ഉണ്ടായിരുന്നു. ഷോട്ട് സർക്യൂട്ടാണ് തീ പിടിക്കാനുള്ള കാരണം എന്ന് ഊഹിക്കുന്നു.
നിരവധി വസ്തുക്കൾ കത്തി നശിച്ചു പെയിന്റുകളും മറ്റും സൂക്ഷിച്ചിരുന്ന റൂമിലേക്ക് തീ പടരാതിരുന്നത് കൂടുതൽ നാശനഷ്ടങ്ങൾ ഒഴിവായി. ഏകദേശം ഒന്നര ലക്ഷം രൂപയുടെ നാശനഷ്ടം കണക്കാക്കുന്നു. സ്റ്റേഷൻ ഓഫീസർ സിപി ആനന്ദൻറെ നേതൃത്വത്തിൽ ഗ്രേഡ് എ എസ് ടി ഓ മജീദ് എം,ഫയർ ആൻഡ് റെസ്ക്യൂ ഓഫീസർമാരായ ടി പി ഷിജു, ഇ എം നിധിപ്രസാദ്, സനൽ രാജ്,ഷാജു,നിതിൻ രാജ്, ഹോം ഗാർഡ് രാജീവ് എന്നിവർ തീ അണക്കുന്നതിൽ ഏർപ്പെട്ടു.
