കൊയിലാണ്ടി: ഡല്‍ഹിയില്‍ കര്‍ഷക പ്രക്ഷോഭത്തില്‍ പങ്കെടുക്കുന്ന ജില്ലയിലെ സമരവളണ്ടിയര്‍മാര്‍ക്ക് കേരള കര്‍ഷക സംഘം കോഴിക്കോട് ജില്ലാ കമ്മിറ്റി യാത്രയയപ്പ് നല്‍കി. ജില്ലാ സെക്രട്ടറി സഖാവ് പി. വിശ്വന്‍ മാസ്റ്റര്‍ സംഘത്തെ നയിക്കുന്ന സംസ്ഥാന കമ്മിറ്റി അംഗം സഖാവ് കെ. ഷിജുവിന് പതാക കൈമാറി ഉദ്ഘാടനം ചെയ്തു.
കൊയിലാണ്ടി റെയില്‍വേ സ്റ്റേഷനില്‍ നടന്ന പരിപാടിയില്‍ ജില്ലാ പ്രസിഡന്റ് കെ. പി. കുഞ്ഞമ്മദ് കുട്ടി, പി.സി. സതീഷ് ചന്ദ്രന്, പി. കെ. ഭരതന്‍, കെ.അപ്പു മാസ്റ്റര്‍, ടി. വി. ദാമോദരന്‍ എ.കെ. അനില്‍കുമാര്‍ റിബിന്‍കൃഷ്ണ, അമല്‍ എന്നിവര്‍ സംസാരിച്ചു. എം. എം. രവീന്ദ്രന്‍ അധ്യക്ഷനായി. സംഘം 23ന് സമരകേന്ദ്രത്തില്‍ എത്തും. ഷാജഹാന്‍ പൂരിലെ സമര കേന്ദ്രത്തില്‍ ആണ് കേരളത്തിലെ സംഘം എത്തുന്നത് ഫെബ്രുവരി നാലിന് സംഘം സമര കേന്ദ്രത്തില്‍ നിന്ന് മടങ്ങും. ഈ ദിവസം തന്നെ മൂന്നാം ബാച്ച് കേരളത്തില്‍നിന്ന് സമരകേന്ദ്രത്തില്‍ എത്തും.
