യോദ്ധാവ് പദ്ധതി; മയക്കുമരുന്നുമായി ബന്ധപ്പെട്ട് പോലീസിന് ലഭിച്ചത് 1131 വിവരങ്ങള്
ഒക്ടോബര് ആറുമുതല് 31 വരെയുള്ള കണക്കുകളാണിത്.ഏറ്റവും കൂടുതല് വിവരങ്ങള് ലഭിച്ചത് മലപ്പുറം ജില്ലയില് നിന്നാണ് -144 എണ്ണം. തിരുവനന്തപുരം റൂറല് ജില്ലയില് നിന്ന് 104 , ആലപ്പുഴയില് നിന്ന് 76, എന്നിങ്ങനെയാണ് വിവരങ്ങള് പോലീസിന് ലഭിച്ചത്.
തിരുവനന്തപുരം സിറ്റി – 54, കൊല്ലം സിറ്റി – 49, കൊല്ലം റൂറല് 51, പത്തനംതിട്ട – 42, കോട്ടയം – 51, ഇടുക്കി – 34, എറണാകുളം സിറ്റി – 69, എറണാകുളം റൂറല് – 74, തൃശൂര് സിറ്റി – 60, തൃശൂര് റൂറല് – 39, പാലക്കാട് – 52, കോഴിക്കോട് സിറ്റി – 61, കോഴിക്കോട് റൂറല് – 67, വയനാട് – 19, കണ്ണൂര് സിറ്റി – 48, കണ്ണൂര് റൂറല് – 10, കാസര്ഗോഡ് – 27 എന്നിങ്ങനെയാണ് പൊലീസിന് വിവരം നല്കിയവരുടെ കണക്ക്.
ലഹരിപദാര്ഥങ്ങളുടെ വിതരണവും ഉപയോഗവും വ്യാപനവും തടയുന്നതിനായി പോലീസ് രൂപം നല്കിയ പദ്ധതിയാണ് യോദ്ധാവ്. ലഹരി ഉപയോഗവുമായി ബന്ധപ്പെട്ട വിവരങ്ങള് ഫോട്ടോ, വീഡിയോ, ടെക്സ്റ്റ്, വോയിസ് എന്നിവയായി 99959 66666 എന്ന വാട്സ്ആപ്പ് നമ്ബരിലൂടെ പോലീസിന് കൈമാറാവുന്നതാണ് . മയക്കുമരുന്നിന്റെ ഉപയോഗവും കടത്തും സംബന്ധിച്ച വിവരങ്ങള് സ്വകാര്യമായി പങ്കുവെയ്ക്കാനാകുന്ന ഹെല്പ് ലൈന് നമ്ബര് ആണിത്. ഈ നമ്ബറിലേയ്ക്ക് വിളിച്ചു സംസാരിക്കാനാവില്ലന്നും ഡെപ്യൂട്ടി ഡയറക്ടര് വി.പി പ്രമോദ് കുമാര് അറിയിച്ചു.