വടകര മാഹി പരദേവതാ ക്ഷേത്രത്തിനു സമീപം യുവാവ് ട്രെയിന്‍ തട്ടി മരിച്ച നിലയിൽ. വില്യാപ്പള്ളി കടമേരി മൊയിലോത്ത്കണ്ടി രാജീവന്റെ മകന്‍ അതുല്‍ രാജാണ് മരിച്ചത്. വടകരയില്‍ ഓട്ടോ ഡ്രൈവര്‍ ആണ്. ഇരുപത്തിരണ്ട് വയസ്സായിരുന്നു.
പുലര്‍ച്ചെ മൂന്ന് മണിയോടെയാണ് സംഭവം. മംഗള എക്സ്പ്രസ് ട്രെയിനാണ് തട്ടിയത്. ചോമ്പാല പോലീസ് സ്ഥലത്തെത്തി തുടര്‍ നടപടികള്‍ക്കു ശേഷം മൃതദേഹം വടകര ഗവ. ആശുപത്രിയിലേക്ക് മാറ്റി.
റെയില്‍ പാളത്തിന് സമീപത്ത് ഇയാളുടെ ബൈക്ക് ഉപേക്ഷിക്കപ്പെട്ട നിലയില്‍ കണ്ടെത്തിയിരുന്നു. അമ്മ ബിന്ദു.സഹോദരി അമയ.
Comments
