വനിതാപരിശീലന കേന്ദ്രവും കമ്മ്യൂണിറ്റിഹാളും മന്ത്രി ടി.പി.രാമകൃഷ്ണന്‍ ഉദ്ഘാടനം ചെയ്തു
കൊയിലാണ്ടി: നഗരസഭയുടെ വരകുന്നില്‍ നവീകരിച്ച വനിതാപരിശീലന കേന്ദ്രവും കമ്മ്യൂണിറ്റിഹാളും മന്ത്രി ടി.പി.രാമകൃഷ്ണന്‍ ഉദ്ഘാടനം ചെയ്തു. ഒരു കോടി രൂപ ചെലവില്‍ നവീകരിച്ച കേന്ദ്രത്തില്‍ വിവിധ തരത്തിലുള്ള റസിഡന്‍ഷ്യല്‍ പരിശീലനത്തിന് പര്യാപ്തമായ തരത്തില്‍ ക്ലാസ്സ് മുറികളും, ലൈബ്രറിയും, താമസ സൗകര്യവും കാന്റീനും, സ്റ്റേജ് ഉള്‍പ്പടെ 500 പേര്‍ക്കിരിക്കാവുന്ന കമ്മ്യൂണിറ്റി ഹാളും ഒരുക്കിയിട്ടുണ്ട്. കുടുംബശ്രീ ജില്ലാ മിഷന്റെ സഹകരണത്തില്‍ പ്രവര്‍ത്തനം ആരംഭിക്കുന്ന വനിതാപരിശീലന കേന്ദ്രത്തിന്റെ ഉദ്ഘാടന പരിപാടിയില്‍ കെ.ദാസന്‍ എം.എല്‍.എ അധ്യക്ഷത വഹിച്ചു. നഗരസഭ ചെയര്‍മാന്‍ കെ.സത്യന്‍, കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ പി.സി.കവിത, നഗരസഭ ഉപാധ്യക്ഷ വി.കെ.പത്മിനി, സ്ഥിരംസമിതി അധ്യക്ഷന്‍മാരായ വി.സുന്ദരന്‍, കെ.ഷിജു, വി.കെ.അജിത, എന്‍.കെ.ഭാസ്‌കരന്‍, ദിവ്യസെല്‍വരാജ്, കൗണ്‍സില്‍ പാര്‍ട്ടി നേതാക്കളായ വി.പി.ഇബ്രാഹിംകുട്ടി, കെ.വി.സുരേഷ്‌കുമാര്‍, വിവിധ രാഷ്ട്രീയപാര്‍ട്ടി നേതാക്കളായ ഇ.എസ്.രാജന്‍, പി.കെ.വിശ്വനാഥന്‍, ടി.കെ.രാധാകൃഷ്ണന്‍, സി.സത്യചന്ദ്രന്‍, വ്യാപാരി സംഘടനാ പ്രതിനിധികളായ കെ.എം.രാജീവന്‍, സുധാകരന്‍ സുകന്യ, കെ.കെ.നിയാസ്, ഉഷാമനോജ്, സെക്രട്ടറി എന്‍.സുരേഷ് കുമാര്‍, എഞ്ചിനീയര്‍ എം.മനോജ് കുമാര്‍,സി.ഡി.എസ്.അധ്യക്ഷമാരായ എം.പി.ഉന്ദുലേഖ, യു.കെ.റീജ എന്നിവര്‍ സംസാരിച്ചു.
