വാക്സിൻ ലഭിക്കാൻ തദ്ദേശ റജിസ്ട്രേഷൻ വേണമെന്ന പ്രചാരണം ശരിയല്ല – മന്ത്രി
കോവിഡ് വാക്സിനേഷന് തദ്ദേശ സ്ഥാപന രജിസ്ട്രേഷന് വേണമെന്ന പ്രചാരണം തെറ്റാണെന്ന് മന്ത്രി വീണാ ജോര്ജ്. വാക്സിനേഷന്റെ രജിസ്ട്രേഷന് നടത്തുന്നത് കോവിന് പോര്ട്ടലിലാണ്. ഇതര റജിസ്ട്രേഷൻ ആവശ്യമില്ല. എവിടെ നിന്നും വാക്സിന് എടുക്കാന് സാധിക്കുന്നതാണ്.
വാക്സിന് യജ്ഞത്തിന്റെ ഭാഗമായി 60 വയസിന് മുകളില് പ്രായമായ എല്ലാവര്ക്കും 18 വയസിന് മുകളില് പ്രായമുള്ള കിടപ്പ് രോഗികള്ക്കും ആഗസ്റ്റ് 15ന് മുമ്പ് ആദ്യ ഡോസ് വാക്സിന് പൂർത്തിയാക്കുകയാണ് ലക്ഷ്യം. ഇവരെ വാര്ഡ് തിരിച്ച് കണ്ടെത്തിയാണ് വാക്സിനേഷന് ഉറപ്പാക്കുന്നത്. ഈ യജ്ഞത്തില് ഓണ്ലൈനായും നേരിട്ടുമുള്ള രജിസ്ട്രേഷനിലൂടെ 50 ശതമാനവും സ്ലോട്ട് വേർതിരിച്ചാണ് അനുവദിക്കുന്നത്.
കിടപ്പ് രോഗികള്ക്ക് മൊബൈല് യൂണിറ്റുകളിലൂടെയും രജിസ്ട്രേഷന് ചെയ്യാനറിയാത്തവര്ക്ക് ആശാവര്ക്കര്മാരുടെ സഹായത്തോടെ വേവ് വഴിയും വാക്സിനേഷന് ഉറപ്പിക്കുന്നതാണ്.