കൊയിലാണ്ടി: സ്‌കൂള്‍ വിട്ട് വീട്ടിലേക്ക് പോകുകയായിരുന്ന വിദ്യാര്‍ത്ഥിനിക്ക് നേരെ ലൈംഗിക അതിക്രമം നടത്തിയ യുവാവിനെ കൊയിലാണ്ടി പോലീസ് അതിവിദഗ്ദമായി പിടികൂടി. കാപ്പാട് മുനമ്പത്ത് മുളവങ്ങരക്കണ്ടി ഫൈജാസ് (26) നെ പോലീസ് പിടികൂടിയത്. കഴിഞ്ഞ ദിവസമാണ് സംഭവം സ്‌കൂള്‍ വിട്ട് കൂട്ടുകാരോടൊപ്പം പോകവെ പൊയില്‍ക്കാവ് കോട്ട പരിസരത്ത് വെച്ചാണ് സംഭവം. ചുവന്ന മോട്ടോര്‍ ബൈക്കിലെത്തിയാണ് അതിക്രമം നടത്തിയത്.
സമീപത്തെ സി.സി.ടി.വി.ദൃശ്യങ്ങള്‍ ശേഖരിച്ചാണ് പ്രതിയെ പിടികൂടിയത്. തെളിവ് നശിപ്പിക്കാന്‍ ചുവന്ന മോട്ടോര്‍ ബൈക്ക് വില്‍പ്പന നടത്തി. വെള്ള ബൈക്ക് വാങ്ങിയിരുന്നു. സി.ഐ.കെ.സി.സുഭാഷ് ബാബുവിന്റെ നിര്‍ദേശപ്രകാരം എസ്.ഐ.ഹമീദിന്റെ നേതൃത്വത്തില്‍, എസ്.സി.പി.ഒ.ബിജു വാണിയംകുളം, ജനമൈത്രി ബീറ്റ് ഓഫീസര്‍, സുമേഷ്, ശ്രീജിത്ത്,ശ്രീലത,തുടങ്ങിയവരടങ്ങുന്ന സംഘമാണ് വിദഗ്ദമായി പ്രതിയെ പിടികൂടിയത്.
