തിരുവങ്ങൂർ ഹയർ സെക്കൻഡറി സ്കൂളിൽ കേരള സർക്കാർ ന്യൂനപക്ഷ ക്ഷേമ വകുപ്പിന്റെ ആഭിമുഖ്യത്തിൽ തിരുവങ്ങൂർ എച്ച് എസ് എസ്, ജി വി എച്ച് എസ് എസ് അത്തോളി, പൊയിൽക്കാവ് എച്ച്എസ്എസ് എന്നീ സ്കൂളുകളിലെ ഹയർസെക്കൻഡറി വിദ്യാർഥികൾക്കായി രണ്ടു ദിവസത്തെ വ്യക്തിത്വ വികസന കരിയർ ഗൈഡൻസ് ക്യാമ്പ് ‘പാസ്സ്‌വേഡ്’ ആരംഭിച്ചു. പന്തലായനി ബ്ലോക്ക് പഞ്ചായത്ത് പ്രസിഡന്റ് പി ബാബുരാജ് ക്യാമ്പ് ഉദ്ഘാടനം ചെയ്തു. കോച്ചിംഗ് സെന്റർ ഫോർ മൈനോരിറ്റി യൂത്സ്,കോഴിക്കോട് പ്രിൻസിപ്പൽ ഡോ പി പി അബ്ദുൾ റസാഖ് ‘പാസ്സ്‌വേർഡ്’ പ്രോഗ്രാം വിശദീകരിച്ചു.പ്രിൻസിപ്പൽ ടി കെ ഷെറീന , പി ടി എ വൈസ് പ്രസിഡന്റ് ഉണ്ണി തിയ്യകണ്ടി, കരിയർ ഗൈഡ് കെ ദീപു, നസീറ യൂനുസ് എന്നിവർ സംസാരിച്ചു.
Comments
