കൊയിലാണ്ടി: ശങ്കരാചാര്യ സംസ്കൃത സർവ്വകലാശാലയുടെ കാലടി മുഖ്യകേന്ദ്രത്തിലും, പ്രാദേശിക കേന്ദ്രങ്ങളിലും 2022-23 അധ്യയന വർഷത്തിലെ വിവിധ സംസ്കൃത ബിരുദ പ്രോഗ്രാമുകളിലെ ഒഴിവുള്ള സീറ്റുകളിലേക്ക് അപേക്ഷ ക്ഷണിച്ചു.പ്ലസ്ട പ്രീഡിഗ്രി,വൊക്കേഷണൽ ഹയർ സെക്കന്ററി അഥവാ തത്തുല്യ യോഗ്യതയുള്ളവർക്ക് (രണ്ട് വർഷം) മേൽ പറഞ്ഞ പ്രോഗ്രാമുകളിലേക്ക് അപേക്ഷിക്കാം. പ്രായം 2022 ജൂൺ ഒന്നിന് 22 വയസ്സിൽ കൂടുതൽ ആകരുത്.താല്പര്യമുള്ള വിദ്യാർത്ഥികൾക്ക് സർവ്വകലാശാല വെബ്സൈറ്റ് (www.ssus.ac.in) വഴി ഓൺലൈനായി ഒക്ടോബർ മൂന്നിന് മുൻപായി അപേക്ഷ നൽകാം. ഓൺലൈൻ അപേക്ഷയുടെ ഹാർഡ് കോപ്പിയും, മാർക്ക് ലിസ്റ്റ് അടക്കമുള്ള നിർദ്ദിഷ്ട രേഖകളുടെ പകർപ്പും, അപേക്ഷാ ഫീസ് 50 രൂപ (എസ്.സി/എസ്.ടി വിദ്യർത്ഥികൾക്ക് 10 രൂപ) ഓൺലൈനായി അടച്ചതിന്റെ രസീതിയും ഉൾപ്പെടെ പ്രാദേശിക കേന്ദ്രങ്ങളിൽ അതത് ഡയറക്ടർമാർക്കും, കാലടി മുഖ്യ കേന്ദ്രത്തിൽ അതത് വകുപ്പ് മേധാവികൾക്കും ഒക്ടോബർ ആറിന് മുമ്പായി സമർപ്പിക്കണം. പ്രോസ്പെക്ടസ് www.ssus.ac.in എന്ന വെബ്സൈറ്റിൽ ലഭ്യമാണ്. കൂടുതൽ വിവരങ്ങൾക്ക് ജൂലായ് ഒന്നിലെ വിജ്ഞാപനം കാണണം.
