ശ്വാസനാളത്തില്‍ കുരുങ്ങിയ വണ്ട് ഒരു വയസുകാരൻ്റെ ജീവനെടുത്തു. നുള്ളിപ്പാടി ചെന്നിക്കരയിലെ എ സത്യേന്ദ്രന്റെ മകന്‍ അന്‍വേദാണ് മരിച്ചത്. വീട്ടിനകത്ത് കളിച്ച് കൊണ്ടിരിക്കെ ശനിയാഴ്ച വൈകിട്ട് കുട്ടി കുഴഞ്ഞുവീണ് ബോധരഹിതനായി.
കാസര്‍കോട് ജനറല്‍ ആശുപത്രിയില്‍ എത്തിച്ചു എങ്കിലും അപ്പോഴേക്ക് മരിച്ചിരുന്നു. പരിശോധനയില്‍ മരണം കാരണം കണ്ടെത്താനായില്ല. മൃതദേഹം ഞായറാഴ്ച പോസ്റ്റ്മോര്‍ട്ടം ചെയ്തപ്പോഴാണ് ശ്വാസനാളത്തില്‍ ചെറിയ വണ്ട് കുടുങ്ങി കിടക്കുന്നത് കണ്ടത്തിയത്. ചത്ത വണ്ടിനെ പുറത്തെടുത്തു.
കാസര്‍കോട് ടൗണ്‍ പൊലീസ് ഇന്‍ക്വസ്റ്റ് നടത്തിയ മൃതദേഹം ചെന്നിക്കര പൊതുശ്മാശനത്തില്‍ സംസ്‌കരിച്ചു. എടനീരിലെ രഞ്ജിനിയാണ് അമ്മ. രണ്ട് വയസുള്ള ഋത്വേദ് സഹോദരന്‍.
Comments
