KERALAUncategorized

സംസ്ഥാനത്തെ സ്‌കൂളുകളില്‍ സൗജന്യ യൂണിഫോം വിതരണത്തിന് 23 കോടി രൂപ അനുവദിച്ചു

സംസ്ഥാനത്തെ സ്‌കൂളുകളില്‍ സൗജന്യ യൂണിഫോം വിതരണത്തിന് 23 കോടി രൂപ അനുവദിച്ചു. സൗജന്യ കൈത്തറി യൂണിഫോം നല്‍കാത്ത ഒന്ന് മുതല്‍ എട്ട് വരെ ക്ലാസുകളില്‍ പഠിക്കുന്ന സര്‍ക്കാര്‍ ഹൈസ്‌കൂളിലെ എപിഎല്‍ വിഭാഗം ആണ്‍കുട്ടികള്‍ക്കും യുപി, എച്ച്എസ് വിഭാഗം എയിഡഡ് സ്‌കൂളിലെ ഒന്ന് മുതല്‍ എട്ട് വരെയുള്ള മുഴുവന്‍ വിദ്യാര്‍ഥികള്‍ക്കും ഒരു കുട്ടിക്ക് രണ്ടു ജോഡി യുണിഫോമിനാണ് തുക അനുവദിച്ചതെന്ന് വിദ്യാഭ്യാസ മന്ത്രി വി ശിവന്‍കുട്ടി അറിയിച്ചു.

3,91,104 കുട്ടികള്‍ക്ക് ഇതിന്റെ ആനുകൂല്യം ലഭിക്കും. പൊതുവിദ്യാഭ്യാസ വകുപ്പിന്റെയും കൈത്തറി വകുപ്പിന്റെയും സംയുക്ത ആഭിമുഖ്യത്തില്‍ നടപ്പിലാക്കി വരുന്ന സൗജന്യ കൈത്തറി യുണിഫോം പദ്ധതി പ്രകാരം രണ്ടു തരത്തിലാണ് നിലവില്‍ യുണിഫോം നല്‍കി വരുന്നത്. സംസ്ഥാനത്തെ സ്റ്റാറ്റന്‍ഡ് എലോണ്‍ എല്‍പി, യുപി സര്‍ക്കാര്‍ സ്‌കൂളിലും എല്‍പി വിഭാഗം എയിഡഡ് സ്‌കൂളിലുമാണ് കൈത്തറി യുണിഫോം നല്‍കിവരുന്നത്.

ഈ തുക എല്ലാ വിദ്യാഭ്യാസ ഉപ ഡയറക്ടര്‍മാര്‍ക്കും തങ്ങളുടെ അധികാര പരിധിയില്‍ വരുന്ന ഉപജില്ല വിദ്യാഭ്യാസ ഓഫീസര്‍മാര്‍ക്ക് റീ അലോട്ട് ചെയ്തു കൊടുക്കുന്നതിനായി നടപടി ഉത്തരവ് നല്‍കിയിട്ടുണ്ട്. തുക ഉപജില്ല വിദ്യാഭ്യാസ ഓഫീസര്‍മാര്‍ സ്‌കൂളുകള്‍ക്ക് അലോട്ട് ചെയ്യുന്നതാണെന്നും മന്ത്രി വി ശിവന്‍കുട്ടി അറിയിച്ചു.

Comments

Related Articles

Leave a Reply

Your email address will not be published. Required fields are marked *

Back to top button