സ്വാതന്ത്ര്യത്തിൻ്റെ അമൃത മഹോത്സവത്തിൻ്റെ ഭാഗമായി കുലുപ്പ എ എൽ പി സ്കൂളിൽ നിന്ന് കേരള ഗാന്ധി കെ. കേളപ്പൻ സ്ഥാപിച്ച പാക്കനാർ പുരം ഗാന്ധി സദനത്തിലേക്ക് സ്വാതന്ത്ര്യ റാലി നടത്തി
ഇരിങ്ങത്ത്: സ്വാതന്ത്ര്യത്തിൻ്റെ അമൃത മഹോത്സവത്തിൻ്റെ ഭാഗമായി കുലുപ്പ എ എൽ പി സ്കൂളിൽ നിന്ന് കേരള ഗാന്ധി കെ. കേളപ്പൻ സ്ഥാപിച്ച പാക്കനാർ പുരം ഗാന്ധി സദനത്തിലേക്ക് സ്വാതന്ത്ര്യ റാലി നടത്തി.
സ്കൂളിൽ നിന്നാരംഭിച്ച റാലിയിൽ വിദ്യാർത്ഥികളും, അധ്യാപകരും, രക്ഷിതാക്കളും അണിനിരന്നു.പ്രശസ്ത ചിത്രകാരൻ അഭിലാഷ് തിരുവോത്ത് വരച്ച ഗാന്ധിയും കേളപ്പജിയും പ്രഥമ ശിഷ്യൻപി.എം.ഉണ്ണികൃഷ്ണനും ഒന്നിച്ചിരുന്ന് സംവദിക്കുന്ന ചരിത്ര നിമിഷത്തെ പുനരാവിഷ്കരിക്കുന്ന ചിത്രം കുലുപ്പ എ എൽ പി സ്കൂൾ എച്ച് എം സി.ദിൻമ്യ പാക്കനാർ പുരം ഗാന്ധി സദനത്തിന് സമർപ്പിച്ചു.
പി ടി എ പ്രസിഡൻ്റ് അനീഷ് അധ്യക്ഷത വഹിച്ചു. വലച്ചിത്ര പ്രവർത്തകൻ പി.കെ.പ്രിയേഷ് കുമാർ മുഖ്യ പ്രഭാഷണം നടത്തി.റിട്ട. പ്രധാന അധ്യാപകൻ എം.കെ.മോഹനൻ, പാക്കനാർ പുരം ഗാന്ധിസദനം ക്ഷേമസമിതി പ്രസിഡൻ്റ് വി.ചെക്കോട്ടി, തുറയൂർ ഗ്രാമപഞ്ചായത്തംഗം കുട്ടികൃഷ്ണൻ, ദിവ്യ, ദാമോധരൻ നായർ എന്നിവർ സംസാരിച്ചു.
