12ാമത് ഉപജില്ലാ കായിക മേളയിൽ ജി വി എച്ച്  എസ് എസ് കൊയിലാണ്ടി ഓവറോൾ ചാമ്പ്യൻമാരായി

കഴിഞ്ഞ മൂന്ന് ദിവസങ്ങളിലായി നടന്നു വരുന്ന കൊയിലാണ്ടി ഉപജില്ല കായിക മേള സമാപിച്ചപ്പോൾ ജി വി എച്ച്  എസ് എസ് കൊയിലാണ്ടി ഓവറോൾ ചാമ്പ്യൻമാരായി.  12ാമത് ഉപജില്ലാ കായിക മേളയിൽ വർഷങ്ങൾക്ക് ശേഷം  കിരീടം ചൂടിയ കൊയിലാണ്ടി ജി വി എച്ച് എസ് എസ് വിജയാഹ്ലാദ പ്രകടനം നടത്തി. സ്കൂളിലെ കായിക അധ്യാപകൻ്റെയും അദ്ധ്യാപകരുടെയും  പി ടിഎയുടെയും പിന്തുണയോടെ കുട്ടികൾക്ക് ചിട്ടയായ പരിശീലനം നൽകിയാണ് കായികരംഗത്തെക്ക് വീണ്ടും തിരിച്ചു വരവ് നടത്തിയിരിക്കുന്നത്.

ഒരു കാലത്ത് വടകര വിദ്യാഭ്യാസ ജില്ലയിൽ അന്നത്തെ ബോയ്സ് ഹൈസ്കൂൾ വെന്നികൊടി നാട്ടിയിരുന്നു. പ്രഗൽഭരായ കായിക താരങ്ങൾ കൊയിലാണ്ടി ഹൈസ്കൂളിൻ്റെ സ്വകാര്യ അഹങ്കാരമായിരുന്നു. കഴിഞ്ഞ മൂന്നു ദിവസം സ്റ്റേഡിയത്തിൽ നടന്ന കായിക മേളയിൽ ട്രാക്കിലും, ഫീൽഡിലും, ജി വി എച്ച് എസ് എസിന്റെ  സമ്പൂർണ്ണ ആധിപത്യം പ്രകടമായിരുന്നു.