തിരുവനന്തപുരം: 2023 ലെ ഓടക്കുഴല്‍ അവാര്‍ഡ് കവി പി എന്‍ ഗോപീകൃഷ്ണന് ലഭിച്ചു. ‘കവിത മാംസഭോജിയാണ്’ എന്ന കവിതാ സമാഹാരത്തിനാണ് പുരസ്‌കാരം.
മഹാകവി ജി ശങ്കരക്കുറുപ്പിന്റെ സ്മരണാര്‍ത്ഥം ഗുരുവായൂരപ്പന്‍ ട്രസ്റ്റ് നല്‍കിവരുന്ന പുരസ്‌കാരമാണ് ഓടക്കുഴല്‍ അവാര്‍ഡ്. 30000 രൂപയും ശില്പവും പ്രശസ്തി പത്രവും അടങ്ങുന്നതാണ് പുരസ്‌കാരം.
ജി ശങ്കരകുറുപ്പിന്റെ ഓര്‍മദിനമായ 2024 ഫെബ്രുവരി രണ്ടാം തീയതി എറണാകുളം സമസ്ത കേരള സാഹിത്യ പരിഷത്ത് മന്ദിരത്തിലെ മഹാകവി ജി ഓഡിറ്റോറിയത്തില്‍ വച്ചു നടക്കുന്ന ചടങ്ങില്‍ ട്രസ്റ്റ് അദ്ധ്യക്ഷയായ പ്രൊഫ. എം ലീലാവതി അവാര്‍ഡ് സമ്മാനിക്കും. പ്രശസ്ത സാഹിത്യ നിരൂപകന്‍ ഡോ. ഇ വി രാമകൃഷ്ണന്‍ മുഖ്യാതിഥിയായി പ്രഭാഷണം നടത്തും.
Comments
