കൊയിലാണ്ടി പൊയിൽക്കാവ് ദുർഗാദേവി ക്ഷേത്ര മഹോത്സവത്തിന് കൊടിയേറി. ആദ്യം പടിഞ്ഞാറെ കാവിലും തുടർന്ന് കിഴക്കെ കാവിലും നടന്ന കൊടിയേറ്റങ്ങൾക്ക് തന്ത്രി കരുമാരത്തില്ലത്ത് പരമേശ്വരൻ നമ്പൂതിരിപ്പാട്ട് മുഖ്യകാർമികത്വം വഹിച്ചു. 15ന് നന്ദിനി ശിവദാസ് അവതരിപ്പിക്കുന്ന തായമ്പക, 16 ന് കാർത്തിക് ബിനു കാഞ്ഞിലശേരി അവതരിപ്പിക്കുന്ന തായമ്പക, മനു പ്രസാദ് വയനാടിന്റെ തായമ്പക, 17 ന് വരുൺ മാധവ്, ഷിജിലേഷ് കോവൂർ എന്നിവരുടെ ഇരട്ടത്തായമ്പക, 18 ന് ഓട്ടൻതുള്ളൽ, ചാക്യാർകൂത്ത്, പള്ളിവേട്ട, പ്രസിദ്ധമായ വനമധ്യത്തിലെ പാണ്ടിമേളം, നിധീഷ് ചിറക്കലിന്റെ തായമ്പക, 19 ന് രാവിലെ ചാക്യാർകൂത്ത്, സമുദ്രതീരത്ത് കുളിച്ചാറാട്ട്, വനമധ്യത്തിൽ പാണ്ടിമേളം, തുടർന്ന് പടിഞ്ഞാറെക്കാവിൽ കൊടിയിറക്കൽ, കിഴക്കെ കാവിൽ ഓട്ടൻതുള്ളൽ, ആചാര വരവുകൾ, പൂരം പുറപ്പാട്, ആലിൻകീഴ് മേളം, ഡയനാമിറ്റ് ഡിസ്‌പ്ലേ, വെടിക്കെട്ട്, അഭിനവ് ജീവന്റെ തായമ്പക, കൊടിയിറക്കൽ എന്നിവ നടക്കും. 20ന് ഗുരുതിയോടെ ഉത്സവം സമാപിക്കും.
Comments
