40 അടി താഴ്ചയുള്ള ആൾമറ ഇല്ലാത്ത കിണറ്റിൽ വീണ ആടിനെ അഗ്നിശമനസേന രക്ഷപ്പെടുത്തി. ഇന്നലെ (ബുധൻ) വൈകിട്ട് 3 30ന് ചെറുവണ്ണൂർ പഞ്ചായത്തിൽ കാരയിൽ പയ്യത്ത് മീത്തൽ ദാസന്റെ ഉദ്ദേശം 40 അടി താഴ്ചയുള്ള ആൾമറ ഇല്ലാത്ത കിണറ്റിൽ വീണ വാളിയിൽ ഷെർലിയുടെ ആടിനെയാണ് അഗ്നിശമനസേന രക്ഷപ്പെടുത്തിയത്.
ഫയർ ആൻഡ് റെസ്ക്യൂ ഓഫീസർ എൻ എം ലതീഷ് കിണറ്റിൽ ഇറങ്ങി സേനാംഗങ്ങളുടെ സഹായത്തോടുകൂടി ആടിനെ പുറത്തെടുത്തു. അസിസ്റ്റന്റ് സ്റ്റേഷൻ ഓഫീസർ പി വിനോദിന്റെ നേതൃത്വത്തിൽ എസ് കെ റിതിൻ, എം കെ ജിഷാദ്, ഐ ബിനീഷ് കുമാർ ഹോം ഗാർഡ് കെ പി ബാലകൃഷ്ണൻ എന്നിവർ രക്ഷാപ്രവർത്തനത്തിൽ പങ്കെടുത്തു.
Comments
