പെണ്‍കുട്ടികളോട് സംസാരിച്ചതിന് കെഎസ്ആർടിസി ജീവനക്കാൻ മർദിച്ചെന്ന പരാതിയുമായി വിദ്യാർഥി

തിരുവനന്തപുരം പൂവാർ ഡിപ്പോയിലാണ് പ്ലസ് വണ്‍ വിദ്യാർഥിക്ക് കെഎസ്ആർടിസി ജീവനക്കാരന്റെ മർദനമേറ്റത്. പെണ്‍കുട്ടികളോട് സംസാരിച്ചിരിക്കുകയായിരുന്നു ഷാനു. ഇതിനെ സുനില്‍ ചോദ്യം ചെയ്തു. തുടർന്ന് മർദിക്കുകയായിരുന്നുവെന്ന് ഷാനു പറഞ്ഞു. സെക്യൂരിറ്റി ജീവനക്കാരും മർദിച്ചുവെന്ന് ആരോപണമുണ്ട്. ഷാനുവിന്റെ ഷർട്ട് കീറുകയും ചെയ്തു. വിദ്യാർഥിയെ മർദിക്കുന്നത് ഒപ്പമുണ്ടായിരുന്നവർ ചോദ്യം ചെയ്തു. പിന്നീട് പോലീസ് സ്ഥലത്തെത്തുകയായിരുന്നു.