സി പി ഐ കൊയിലാണ്ടി മണ്ഡലം സമ്മേനത്തിന്റെ മുന്നോടിയായി പൂക്കാട് പതാക കൊടിമര ജാഥകൾ സംഘമിച്ചു
കൊയിലാണ്ടി: നാളെ(ഞായർ) പൂക്കാട് ഐ വി ശശാങ്കൻ നഗരിയിൽ നടക്കുന്ന സി പി ഐ കൊയിലാണ്ടി മണ്ഡലം സമ്മേളനത്തിന്റെ മുന്നോടിയായുള പതാക കൊടിമര ജാഥകൾ പൂക്കാട് സംഘമിച്ചു. ഇരുപത്തി നാലാം പാർട്ടി കോൺഗ്രസ്സിന്റെ മുന്നോടിയായുള്ള സമ്മേളനമാണിത്. പഴയ കാല നേതാവ് കെ സി രാമകൃഷ്ണന്റെ വസതിയിൽ നിന്ന് പി കെ വിശ്വനാഥൻ, കെ സന്തോഷ് എന്നിവരുടെ നേതൃത്വത്തിൽ കൊണ്ട് വന്ന കൊടിമരം, എൻ ശ്രീധരൻ ഏറ്റുവാങ്ങി. ടി എൻ കുഞ്ഞിരാമൻ നായരുടെ വസതിയിൽ നിന്ന് എ ഐ വൈ എഫ് നേതാവ് എം ടി വിനീഷിന്റെയും അക്ഷയയുടേയും നേതൃത്വത്തിൽ കൊണ്ടുവന്ന പതാക മഹിളാസംഘം നേതാവ് കല്യാണി ഏറ്റുവാങ്ങി. മുതിർന്ന നേതാവ് കെ എം ചന്ദ്രൻ നഗരിയിൽ പതാക ഉയർത്തി. സി പി ഐ ജില്ലാ സെക്രട്ടറി ടി വി ബാലൻ പൊതുസമ്മേളനം ഉദ്ഘാടനം ചെയ്തു. മണ്ഡലം സെക്രട്ടറി എസ് സുനിൽ മോഹൻ അധ്യക്ഷനായിരുന്നു. എ ഐ വൈ എഫ് നേതാവ് സമദ്, ജില്ലാ അസി സെക്രട്ടറി എം നാരായണൻ, കല്യാണി, ഇ കെ അജിത്ത് എന്നിവർ സംസാരിച്ചു അജീഷ് പൂക്കാട് സ്വാഗതം പറഞ്ഞു
