കോടഞ്ചേരിയിലെ നാരങ്ങത്തോട് പതങ്കയത്ത് ഒഴുക്കിൽപ്പെട്ട് കാണാതായ യുവാവിനായുള്ള തിരച്ചിലിനായി നേവി സംഘമെത്തി. ജൂലൈ നാലിനാണ് ഈസ്റ്റ് മലയമ്മ പൂലോത്ത് നിസാറിന്റെ മകൻ ഹുസ്നി മുബാറക്(18) ഒഴുക്കിൽപ്പെട്ടത്. ചീഫ് ഡൈവിംഗ് തലവൻ അശോക് കുമാറിൻ്റെ നേതൃത്വത്തിലുളള ആറംഗ ഇന്ത്യൻ നേവി സംഘമാണ് പതങ്കയത്ത് എത്തിയത്. ഇവർ സ്ഥിതിഗതികൾ വിലയിരുത്തി. പോലീസ്, ഫയർ ഫോഴ്സ്, എൻ.ഡി.ആർ.എഫ്, സ്കൂബ,സന്നദ്ധ പ്രവർത്തകർ തുടങ്ങിയവർ കഴിഞ്ഞ ദിവസങ്ങളായി പ്രദേശത്ത് തിരച്ചിൽ നടത്തുന്നുണ്ട്. പ്രതികൂല കാലാവസ്ഥയെ തുടർന്ന് ഭാഗികമായി മാത്രമാണ്‌ തിരച്ചിൽ നടത്താനാവുന്നത്.
Comments
