കൊയിലാണ്ടി: സമൃദ്ധിയുടെ സന്ദേശനിറവിൽ ആവേശകരമായി വിക്ടറി കൊരയങ്ങാടിൻ്റ ഓണാഘോഷം. കൊരയങ്ങാട് കരിമ്പാപൊയിൽ മൈതാനിയിൽ നടന്ന വിവിധ പരിപാടികളിൽ സ്ത്രീകളും, കുട്ടികളും സജീവമായി പങ്കെടുത്തു. കുട്ടികൾക്കും മുതിർന്നവർക്കുമായുള്ള നീന്തൽ മത്സരം, കസേരകളി, ഇഷ്ടിക തൂക്കൽ എന്നീ പരിപാടികളും സ്ത്രീകൾക്കും, പുരുഷൻമാർക്കുമായി നടത്തിയ കമ്പവലിമത്സരങ്ങളും ജനങ്ങളെ ആവേശം കൊള്ളിച്ചു.
മൂന്നു വർഷത്തെ ഇടവേളക്ക് ശേഷമാണ് ഓണാഘോഷ പരിപാടികൾ സംഘടിപ്പിച്ചത്. മുഖ്യാതിഥിയായി എത്തിയ സൈബർ സെൽ പ്രഭാഷകനായ ഗിരീഷ് കടവത്ത് ബോധവൽക്കരണ ക്ലാസ് നടത്തി. തുടർന്ന് കരോക്ക ഗാനമേളയും അരങ്ങേറി. സമാപന സമ്മേളനം വടകര ഡി വൈ എസ് പി ഹരിപ്രസാദ് ഉദ്ഘാടനം ചെയ്തു. പി ഇ സുകുമാർ, വി മുരളീ കൃഷ്ണൻ, ഡോ.പി ഗോപിനാഥ്, എ വി അഭിലാഷ്, കെ കെ വിനോദ് ,പി കെ സജീഷ്, എം കെ വിഷ്ണു, ഇ കെ വിജീഷ്, പി കെ വിനോദ് കുമാർ, പി കെ സുമിത്ത്, തുടങ്ങിയവർ സംസാരിച്ചു.
