ഓപ്പറേഷൻ സരൽ രാസ്തയുടെ ഭാഗമായി നടത്തിയ പരിശോധനയിൽ റോഡുകളുടെ നിര്‍മാണത്തിൽ ക്രമക്കേടുകൾ കണ്ടെത്തിയതിനെ തുടര്‍ന്ന് വിജിലൻസ് കേസെടുത്തു. കരാറുകാര്‍ക്കും എൻജിനിയര്‍മാര്‍ക്കും എതിരെയാണ് വിജിലൻസ് കേസെടുത്തത്.
മൂന്നു റെയ്ഞ്ചുകളിലായി 12 കേസുകൾ രജിസ്റ്റര്‍ ചെയ്തു. 14 നിർമ്മാണ പ്രവർത്തികൾക്കെതിരെ പ്രാഥമിക അന്വേഷണവും തുടങ്ങി. ക്രമക്കേട് കണ്ടെത്തിയ റോഡുകളുടെ നിര്‍മാണം നടത്തിയ കരാറുകാര്‍ക്കും മേൽനോട്ട ചുമതല ഉണ്ടായിരുന്ന ഉദ്യോഗസ്ഥര്‍ക്കും എതിരെ നടപടി വേണമെന്നാണ് വിജിലൻസ് ശുപാര്‍ശ. പരിശോധന തുടരുകയാണെന്നും കൂടുതൽ കേസുകൾ രജിസ്റ്റര്‍ ചെയ്യുമെന്നും വിജിലൻസ് വ്യക്തമാക്കിയിട്ടുണ്ട്.
Comments
