കൊയിലാണ്ടി: ബൈപ്പാസ് നിർമ്മാണത്തിൻ്റെ ഭാഗമായി തകർക്കപ്പെട്ട കുടിവെള്ള പൈപ്പുകളും വാട്ടർ ടാങ്കും പുനഃ സ്ഥാപിക്കാത്തതിൽ പ്രതിഷേധിച്ച് ബൈപ്പാസ് നിർമ്മാണം തടഞ്ഞു. കൊല്ലം കുന്ന്യോറമല നിവാസികളുടെ ദുരിതത്തിന് പരിഹാരം കാണാൻ സി പി ഐ എം കൊല്ലം ലോക്കൽ കമ്മിറ്റിയുടെ നേത്യത്വത്തിലാണ് നിർമ്മാണം തടഞ്ഞ് കുത്തിയിരുപ്പ് സമരം സംഘടിപ്പിച്ചത്.
ഇതോടൊപ്പം തകർക്കപ്പെട്ട സർവീസ് റോഡും ഡ്രൈനേജും സ്ഥാപിക്കണമെന്നും ആവശ്യമുയർന്നു. കെ ദാസൻ സമരം ഉദ്ഘാടനം ചെയ്തു. കെ ടി രമേശൻ അധ്യക്ഷത വഹിച്ചു. എൻ കെ ഭാസ്കരൻ, എം പത്മനാഭൻ, പി കെ സന്തോഷ്, ടി പി രാമദാസ്, പി കെ അശ്വതി എന്നിവർ സംസാരിച്ചു.
Comments
