കൊയിലാണ്ടി ഹാര്‍ബറില്‍ നിരോധിത പുകയില ഉല്‍പ്പന്നങ്ങളുമായി മാഹി സ്വദേശി പോലീസ് പിടിയില്‍, എലത്തൂര്‍ കോസ്റ്റല്‍ പോലീസും കൊയിലാണ്ടി എക്സൈസ് സംഘവും ചേര്‍ന്ന് നടത്തിയ പരിശോധനയിലാണ് രണ്ടര കിലോ ഹാന്‍സ് കണ്ടെത്തിയത് ഹാര്‍ബറിലെ ശൗചാലയം നടത്തിപ്പുകാരന്‍ മനോഹരനെയാണ് കസ്റ്റെടിയില്‍ എടുത്തത്. കോസ്റ്റല്‍ പോലീസിന് കിട്ടിയ രഹസ്യ വിവരത്തിന്റെ അടിസ്ഥാനത്തില്‍ നടത്തിയ റെയ്ഡില്‍ ശൗചാലയത്തിലെ മുറിയില്‍ ചാക്കില്‍ സൂക്ഷിച്ച നിലയില്‍ ലഹരി വസ്തുക്കള്‍ കണ്ടെത്തിയത്. ഇയാളെ കൊയിലാണ്ടി പോലീസിനും കൈമാറി, തുടര്‍ന്ന് ഹാര്‍ബറിന്റെ വിവിധ ഭാഗങ്ങളിലും ബോട്ടിലും പരിശോധന നടത്തി. കോസ്റ്റല്‍ പോലീസ് എസ് ഐ മാരായ ശശിധരന്‍, സദാനന്ദന്‍, എക്സൈസ് ഇന്‍സ്പെക്ടര്‍ വിനു ഗോപാല്‍, വിനില്‍, അരുണ്‍, വിനയന്‍ എന്നിവര്‍ പങ്കെടുത്തു.
Comments
