കോഴിക്കോട് പന്തീരാങ്കാവില്‍ യുവതിയെ കൂട്ട ബലാത്സംഗത്തിനു ഇരയാക്കിയതായി പരാതി. കോഴിക്കോട്ടെ ഒരു സ്വകാര്യ ഫ്‌ളാറ്റില്‍ വെച്ച് ജ്യൂസില്‍ മയക്കുമരുന്ന് നല്‍കി പീഡിപ്പിച്ചെന്ന് കാണിച്ച് മൂന്ന് ദിവസം മുന്‍പാണ് യുവതി പന്തീരാങ്കാവ് പോലീസില്‍ പരാതി നല്‍കിയത്.
സംഭവത്തില്‍ മൂന്ന് പേരെ പോലീസ് കസ്റ്റഡിയില്‍ എടുത്തിട്ടുണ്ട്. നാല് പേര്‍ പീഡിപ്പിച്ചുവെന്നാണ് പരാതിയിലുള്ളത്. ഒരാള്‍ ഒളിവിലാണ്. ഫറോക്ക്‌ എസിപിയ്ക്കാണ് അന്വേഷണ ചുമതല. പെണ്‍കുട്ടിയുമായി നേരത്തെ തന്നെ പരിചയം ഉള്ള ആളുകളാണ് കസ്റ്റഡിയില്‍ ഉള്ളതെന്നാണ് പോലീസ് പറയുന്നത്.
എന്നാൽ സാമ്പത്തിക ഇടപാടുമായി ബന്ധപ്പെട്ട് തങ്ങളെ കുടുക്കാനാണ് പരാതിക്കാരി ശ്രമിക്കുന്നതെന്നാണ് പ്രതികൾ ആരോപിക്കുന്നത്. പരാതിക്കാരിയെ വൈദ്യപരിശോധനയ്ക്ക് വിധേയമാക്കാനുള്ള നടപടികൾ പൊലീസ് കൈക്കൊള്ളും. ഒപ്പം പരാതിക്കാരിയും പ്രതികളും തമ്മിലുള്ള സാമ്പത്തിക ഇടപാടുകളെ കുറിച്ചും പൊലീസ് പരിശോധിക്കും.
Comments
