അണേലക്കടവ് ചെട്ട്യാറമ്പത്ത് അനിൽ കുമാർ ആണ് തനിയ്ക്ക് റോഡരുകിൽ നിന്നും ലഭിച്ച പണവും രേഖകളും അടങ്ങിയ പേഴ്സ് തിരികെ ഏൽപ്പിച്ച് മാതൃകയായത്. ഇരിങ്ങൽ സ്വദേശിയായ സ്വപ്ന ശശി എന്ന സ്ത്രീയുടെ പേഴ്സ് ആയിരുന്നു കളഞ്ഞു കിട്ടിയത്.
ഉടൻ തന്നെ കൊയിലാണ്ടി ഫയർ സ്റ്റേഷൻ ഓഫീസിൽ എത്തിയ അനിൽ ഫയർ ഓഫീസർ ആനന്ദനെ വിവരം അറിയിക്കുകയും കൂടാതെ വാട്സ് ആപ് വഴി തന്റെ ഫോൺ നമ്പർ സഹിതം വിവരം ഷെയർ ചെയ്യുകയുമായിരുന്നു. തുടർന്ന് സ്ഥലത്തെത്തിയ ഉടമയ്ക്ക് കൊയിലാണ്ടി ഫയർ സ്റ്റേഷൻ ഓഫീസർ സി.പി. ആനന്ദന്റെ സാന്നിധ്യത്തിൽ അനിൽകുമാർ പേഴ്സ് തിരികെ ഏൽപ്പിയ്ക്കുകയായിരുന്നു. നിർമ്മാണ തൊഴിലാളിയായ അനിൽ കുമാർ ചെട്ട്യാ റമ്പത്ത് ശ്രീധരന്റെയും പത്മാവതിയുടെയും മകനാണ്. ഭാര്യ രജനി, മക്കൾ ശ്രീലയ, ശ്രീലക്ഷ്മി.
Comments
