കേന്ദ്ര സർക്കാർ വർദ്ധിച്ചുവരുന്ന കോവിഡ് -19 കേസുകൾ കണക്കിലെടുത്ത് കേരളം ഉൾപ്പടെ എട്ട് സംസ്ഥാനങ്ങൾക്ക് കർശനമായ ജാഗ്രതാനിർദേശം നൽകി
കേന്ദ്ര സർക്കാർ വർദ്ധിച്ചുവരുന്ന കോവിഡ് -19 കേസുകൾ കണക്കിലെടുത്ത് കേരളം ഉൾപ്പടെ എട്ട് സംസ്ഥാനങ്ങൾക്ക് കർശനമായ ജാഗ്രതാനിർദേശം നൽകി. കോവിഡ് വ്യാപനം തടയാൻ ഉയർന്ന അപകടസാധ്യതയുള്ള പ്രദേശങ്ങളിൽ മുൻകരുതൽ നടപടികൾ സ്വീകരിക്കാനും കേന്ദ്രം നിർദ്ദേശം നൽകി.
കേരളത്തിന് പുറമെ ഉത്തർപ്രദേശ്, തമിഴ്‌നാട്, രാജസ്ഥാൻ, മഹാരാഷ്ട്ര, കർണാടക, ഹരിയാന, ഡൽഹി എന്നീ എട്ട് സംസ്ഥാനങ്ങൾക്കാണ് ജാഗ്രതാ നിർദേശം നൽകി കേന്ദ്രം കത്തയച്ചത്. ഒരു ചെറിയ വീഴ്ച പോലും കോവിഡ് വ്യാപനം പഴയപടിയാക്കുമെന്നതിനാൽ ജാഗ്രത പാലിക്കാനും കേന്ദ്ര ആരോഗ്യ സെക്രട്ടറി രാജേഷ് ഭൂഷൺ ആവശ്യപ്പെട്ടു.
സ്ഥിതിഗതികൾ കൃത്യമായി നിരീക്ഷിക്കുന്നതിന് സഹായിക്കുന്നതിന് സമയബന്ധിതവും ക്രമാനുഗതവുമായ ഡാറ്റ അപ്‌ഡേറ്റ് ചെയ്യുന്നത് ഉറപ്പാക്കേണ്ടതും പ്രധാനമാണ്. ഉയർന്നുവരുന്ന അണുബാധയുടെ വ്യാപനം നിയന്ത്രിക്കുന്നതിന് സംസ്ഥാനം കർശനമായ നിരീക്ഷണം നടത്തുകയും ആവശ്യമെങ്കിൽ മുൻകരുതൽ നടപടി സ്വീകരിക്കുകയും ചെയ്യേണ്ടത് അത്യാവശ്യമാണ്. പതിവ് നിരീക്ഷണവും തുടർനടപടികളും നിർണായകമാണെന്നും ഭൂഷൺ പറഞ്ഞു.
